Á morgun mun birtast á Rjómanum dómur minn um nýútkomna plötu Loney, Dear en hún ber nafnið Loney, Noir . Ég er einstaklega hrifinn af þessari ágætu plötu og er nú þegar búinn að hlusta á hana um tíu til tólf sinnum og virðist ætla að þreytast seint á henni. Kemur sterk inn á árslistann góða sem er reyndar orðinn óvenju langur miðað við hversu lítið er af árinu liðið. Tékkið endilega á Loney, Dear og lesið dóminn á Rjómanum á morgun. [MP3] Loney, Dear - I am John
Sumir vilja meina að það sé hollt að borða fisk á mánudögum. Það haldi heilabúinu á manni fersku og öpp tú deit. Nú efa ég ekki um ágæti þess en fyrir mig persónulega er það tónlistin sem bjargar hjá mér mánudögunum og hleður hug og búk fyrir átök komandi viku. Hér er því komið að næsta ráðlagða dagsskammt af South By Southwest böndum. Einmitt það sem læknirinn skrifaði uppá. [MP3] Bermuda Triangle - It feels good / Nánar [MP3] Jo Mango - My Lung / Nánar [...]
Hin ótrúlega tónlistar-, nýmiðlunar-, kvikmynda- og kúltúrhátíð South By Southwest er haldin, í tuttugasta skipti, níunda til átjánda mars í Austin í Texasfylki. Sjálfur hef ég ekki verið svo frægur að vera viðstaddur þessa merku uppákomu en það er svo sannarlega á langtímaplaninu að skella sér. Það sem heillar mig mest við þessa hátíð er að sjálfsögðu tónlistin en hundruðir, ef ekki þúsundir, flytjenda koma fram á henni. Hvert ár eru aðstandendur hátíðarinnar svo innilega rausnalegir að gefa, frjáls til niðurhals, haug af lögum með flestum þeirra sem þar troða upp. Það þarf ekki að fjölyrða um allar [...]
The Besnard Lakes Síðrokks- og hljóðgerfla nýsækadelíusveitin The Besnard Lakes fær sífellt aukna umfjöllun þessa dagana enda alveg ágætis efni þar á ferð. Heyrum hljóðdæmi frá þessari hjónakornadrifnu sveit. [MP3] The Besnard Lakes - And you lied to me The Morning Benders Kaliforníu gleðipoppararnir, sem gáfu út hina fínu Loose Change EP plötu í fyrra, munu gefa út aðra EP plötu eftir nokkra daga. Unnendum sykursæts sólblómapopps með tilvísunum í Bítlakennda dægurtónlist gærdagsins er bent á að leggja vel og [...]
Ég hef alltaf jafn gaman af því að leyfa fólki að heyra hvaðan upphafstefið í hinu margfræga lagi Whiter Shade of Pale, með Procol Harum, er fengið. Sagan segir að Matthew Fisher, hammondleikari sveitarinnar á þessum tíma, hafi einn daginn setið við orgelið og dundað sér við að spila Bach. Hafi spilamennskan fljótt orðið að spuna og út frá honum hafi svo stefið fræga orðið til. Hvort sem þetta er satt eður ei skal ósagt látið en því verður ekki neitað að, sé Whiter Shade of Pale borið saman við sónötu í G eftir Bach, eiga lögin ansi margt sameiginlegt. [...]
Ég hef alltaf verið voðalega veikur fyrir frönskum söngkonum. Það er eitthvað við þennan franska, hálfhvíslandi frygðarstunusöngstíl sem menn eins og Serge Gainsbourg gerðu ódauðlegan. Frakkar hafa líka blessunarlega aldrei jafnað sig á Gainsbourg og enn í dag eru áhrif hans greinileg í frönsku poppi. Þó Helena Noguerra, flytjandi meðfylgjandi lags, sé að vísu belgísk er hún gift fransmanni (hinum uppátækjasama Philippe Katerine) og því svo gott sem frönsk. Lagið er frá 1998 en hafi menn áhuga á að kynna sér Helenu þessa frekar geta þeir m.a. heyrt hana syngja með Alex Gopher á nýjustu plötu hans 5000 moons [...]
Wulfgang Hin stórgóða sveit Wulfgang, sem gerði það gott í fyrra með laginu Machinery, eru komnir með nýtt lag. Rise of the underground heitir það og lofar góðu um væntanlegt efni frá sveitinni, sem stefnir í að vera í dramatískari kanntinum ef eitthvað er að marka þetta nýja lag. Fyrsta platan, Wulfgang! Wulfgang! er víst enn í vinnslu og finnst manni biðin nú vera orðinn heldur löng eftir að hún komi út. Skellið ykkur á MySpace sveitarinnar til að hlíða á snilldina. Jóhann G Jóhann G. [...]
Jæja, helvíti hefur verið hljótt hérna undanfarið. Bætum úr því. Modest Mouse We Were Dead Before the Ship Even Sank , nýja Modest Mouse platan er að gera allt vitlaust í bloggheimum. Sjálfur hef ég gefið henni einn snúning og þarf sjálfsagt að gefa henni nokkra í viðbót áður en ég get tjáð mig um hana af einhverri alvöru. [MP3] Modest Mouse - Dashboard Feist The Reminder er væntanleg plata Feist. Hér er á ferð exótískt alvörupopp að [...]
Diagon Hljómsveitin Diagon er þriggja manna Reykjavíkurband sem legið hefur í hálfgerðum dvala undanfarið. Nú eru þeir félagar komnir á kreik aftur með breytta liðsskipan (bassaleikarinn tók að sér hlutverk söngvarans) og frumburðinn fullbúinn og klárann til útgáfu. Engum sögum fer þó af nákvæmum útgáfudegi plötunnar. Diagon stefna á tónleikahald á næstunni og geta áhugasamir fylgst með tilkynningum þess efnis á heimasíðu sveitarinnar eða MæSpeisinu þeirra. Nýja efnið lofar góðu. Metnaðarfullt alt-rokk sem sleppur að mestu við falla í klisjugryfjurnar sem leynast víðsvegar. Söngvarinn minnir mig einstaklega mikið [...]
Um helgina gekk ég formlega í fríðan hóp Rjómverja . Ég er mjög glaður yfir því og hlakka til að byrja gagnrýnendaferill minn. Ég lofa að vera sanngjarn og rýna til gagns. Margir þekkja nefnilega ekki muninn á því að hafa skoðun á hlutunum og að gagnrýna. Gagnrýni á undantekningalaust að vera uppbyggileg og óhlutdræg en það eru einmitt eiginleikar sem skoðanir hafa ekki. Mun ég því reyna eftir fremsta megni að hlífa lesendum Rjóman s við skoðunum mínum og reyna frekar að básúna þeim á öðrum og meira viðeigandi stöðum, eins og t.d. þessu bloggi. [...]
Hefur þú heyrt þetta?
Bison - Quill
Neutral Milk Hotel- Aeroplane Over the Sea
Shinichi Osawa – Big Beach Mix 2012
